ދައުލަތުގެ އިމާރާތްތަކުގައި ހުޅުޖަހަން ގޮވާލިކަމަށް ބުނާ މައްސަލައިގައި ހައްޔަރުކުރި މި ސަރުކާރުގެ ޓްރާންސްޕޯޓް މިނިސްޓްރީގެ ކުރީގެ ޑެޕިއުޓީ މިނިސްޓަރު ހަސަން ޒިހާންގެ ބަންދުގެ މުއްދަތު ޖަހައިފިއެވެ.
ޒިހާން ފޭސްބުކްގައި ކުރެއްވި ޕޯސްޓެއްގައި ވަނީ މަޖިލީހާއި ސުޕްރީމް ކޯޓާއި އަދި ރައީސް އޮފީހުގައި ހުޅު ޖަހަން ފުުރުސަތު ނުލިބެނީ ކީއްވެތޯ އައްސަވައި އެއީ މަޖާ ކަމަކަށްވާނެ ކަމަށް ވިދާޅުވެފައެވެ.
ޒިހާންގެ ޕޯސްޓާ ގުޅިގެން ފާޑުކިޔުންތައް އަމާޒުވެ އެކި މީހުން އެ މައްސަލަ ފުލުހުންގެ ސަމާލުކަމަށް ގެނެސްފައިވަނިކޮށް އިއްޔެ ކޯޓު އަމުރެއްގެ ދަށުން ވަނީ ހައްޔަރުކޮށްފައެވެ.
ޒިހާންގެ ބަންދާމއދު ގޮތެއް ނިންމަން ކޯޓަށް ހާޒިރުކުރުމުން އޭނާ 15ދުވަހަށް ބަންދުކުރަން ފުވައްމުލަކު ސިޓީ މެޖިސްޓްރޭޓ ކޯޓުން ވަނީ އަމުރުކޮށްފައެވެ.
ޒިހާން ހުޅުޖަހާ ވާހަކަ ދެއްކެވީ ކީއްވެގެން ކަމެއް އަދި އެއީ މަޖަލަކަށް ބުނި އެއްޗެއް ކަމެއް ވެސް ސާފެއްނުވެއެވެ.
ޒިހާން ފަހުން ވަނީ އެ ޕޯސްޓު ޑިލީޑް ވެސް ކޮށްލައިފައެވެ
