ހަނިމާދޫ ބަނދަރުގައި އޮތް ލޯންޗެއްގައި އަލިފާނުގެ ހާދިސާއެއް ހިނގައި ދެ މީހަކަށް އަނިޔާ ވެއްޖެ

ހދ. ހަނިމާދޫ ބަނދަރުގައި އޮތް ލޯންޗެއްގައި އަލިފާނުގެ ހާދިސާއެއް ރޭ ދަންވަރު ހިނގައިފިއެވެ.

ފުލުހުން މައުލޫމާތު ދިން ގޮތުގައި ހަނިމާދޫ ބަނދަރުގައި އޮތް ލޯންޗެއްގައި އަލިފާނުގެ ހާދިސާއެއް ހިނގާފައިވާއިރު މި ހާދިސާ ރިޕޯޓުކޮށްފައިވަނީ ރޭ ދަންވަރު 00:20އެހާ ކަންހާއިރު ކަމަށް ބުނެފައިވެއެވެ. މި ހާދިސާގައި ބޭނުންނުކުރެވޭ ވަރަށް އަނދާފައިވާ ކަމަށް ބުނެފައިވެއެވެ.

މި ހާދިސާގައި ލޯންޗުގެ ކެޕްޓަނަށާއި ފަޅުވެރިޔާއަށް އެކިވަރުގެ އަނިޔާ ލިބިފައިވާއިރު ފަޅުވެރިޔާއަށް ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށް ފުލުހުން ބުނެފައިވެއެވެ. އެ ލޯންޗުގެ ކެޕްޓަންއަށް ހަނިމާދޫ ސިއްހީ މަރުކަޒުގައި ފަރުވާ ދިނުމަށްފަހު އިތުރު ފަރުވާއަށް ކުޅުދުއްފުށި ރީޖަނަލް ހޮސްޕިޓަލަށް ބަދަލުކޮށްފައިވާ ކަމަށް ވެސް ފުލުހުން ބުނެފައިވެއެވެ.

މި ހާދިސާ އާ ގުޅޭ އިތުރު މައުލޫމާތު ފުލުހުން އަދި ހިއްސާކޮށްފައި ނުވެއެވެ.

ފުލުހުން އަންނަނީ މި ހާދިސާ އިތުރަށް ތަހުގީގު ކުރަމުންނެވެ.