ފިހާރައަކުން މޮބައިލް ފޯނަކާއި 25،000ރުފިޔާ ވަގަށް ނެގި ބިދޭސީއަކު ހައްޔަރުކޮށްފިއެވެ.
ކްރިމިނަލް ކޯޓުން މިއަދު އާންމުކުރި ބަންދު އަމުރުގައި ބުނެފައިވާ ގޮތުން އެ މައްސަލައިގައި ހައްޔަރުކުރީ ސްރީލަންކާއަށް ނިސްބަތްވާ ޗަންދްރެސްކަރަން އެންތޮނީ (42އ)އެވެ.
އެ މައްސަލައިގައި އޭނާ 15ދުވަހަށް ވަނީ ބަންދުވެސްކޮށްފައެވެ.
ބަންދު އަމުރުގައި ބުނެފައިވާ ގޮތުން ވަގަށް ނެގީ ފިހާރައިގެ ދުވަހު ސޭލްސްގެ ގޮތުގައި ލިބުނު 25،000 ރުފިޔާ އާއި މޮބައިލް ފޯނެކެވެ.
އެ މައްސަލައިގައި ވީޑިއޯ ފުޓޭޖްގެ ސްނެޕްޝޮޓްތައް ވެސް ހެކީގެ ގޮތުގައި ހުށަހެޅި ނަމަވެސް ބިދޭސީ މީހާ ބުނީ އޭނާ އެ ފިހާރައިގެ ވަޒީފާއިން 10ދުވަސް ކުރިން ވަކިވެފައިވާ ކަމަށާއި އަދި އެ ހާދިސާ ހިނގިކަމަށް ބުނާ ވަގުތު ހުރީވެސް އެހެން ތަނެއްގައި ކަމަށެވެ.
އެ ބިދޭސީ މީހާ ހައްޔަރުކުރި އިރު އޮތީ ރާއްޖެއިން ފުރަން ފްލައިޓް ޓިކެޓްވެސް ނަގައިފައެވެ.
