އިލެކްޝަންސް ކޮމިޝަން(އީސީ)ގެ ރައީސްގެ މަގާމުގައި ހުންނެވި ޒާހިދު، ކުރިއަށް އޮތް އިންތިޚާބުގެ ދެވަނަ ބުރުގެ ވޯޓުލުން އަންނަ ހޮނިހިރު ދުވަހު ބޭއްވުމަށް ތައްޔާރުވެފައި ވަނިކޮށް، އެ މަގާމުން އިސްތިއުފާ ދެއްވައިފިއެވެ.
މީގެ އެއް އަހަރު ކުރިން އީސީގެ ރައީސްކަމާ ހަވާލުވެވަޑައިގަތް ޒާހިދު މަގާމުން ދުރަށް ވަޑައިގަތްއިރު، އެ ކޮމިޝަނުގެ ނައިބު ރައީސަކަށް ހުންނެވީ ސޮލާހުއެވެ.
އިންތިޚާބާ ގުޅޭގޮތުން އީސީން އެންމެ ފަހުން އާންމުކޮށްފައިވާ އިރުޝާދުތަކުގައި، ވޯޓުލާ ދުވަހުގެ ހަވީރު 4:00 ގެ ކުރިން ކިއުއަށް އެރުމަށް އާންމު ރައްޔިތުންނަށް ވަނީ ގޮވާލާފައެވެ. މީގެ އިތުރުން، އެ ކޮމިޝަނުގެ މެންބަރުކަމަށް ރިފްއަތު އައްޔަންކުރެއްވުމަށްޓަކައި މީގެ ދެ މަސް ކުރިން ކަމާބެހޭ ފަރާތްތަކަށް ނަން ފޮނުއްވާފައިވާކަން ވެސް ފާހަގަކޮށްލެވެއެވެ.
