ގ. މިތުރު ގޭގެ ކޮޓަރީގައި މިއަދު ހިނގި އަލިފާނުގެ ހާދިސާއާއި ގުޅިގެން އެ ކޮޓަރީގައި ދިރިއުޅޭ ހަތަރު މީހަކު ވަގުތީ ބޯހިޔާވަހިކަމަށް ބަދަލުކޮށްފިއެވެ.
ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން މައުލޫމާތު ދިން ގޮތުގައި އަލިފާނުގެ ހާދިސާ ހިނގި ކޮޓަރީގައި ދިރިއުޅޭ 4 ފަރާތަށް ވަނީ 5 ދުވަހުގެ ވަގުތީ ބޯހިޔާވަހިކަމާއި ކެއުމާއި ބުއިން ދިނުމަށް ނިންމާފައިވާ ކަމަށެވެ. އަދި އެ ކޮޓަރީގައި ދިރިއުޅޭ އާއިލާ އަކީ ކުއްޔަށް ދިރިއުޅޭ އާއިލާއެއް ކަމަށް ވެސް ބުނެފައިވެއެވެ.
ފުލުހުން މައުލޫމާތު ދިން ގޮތުގައި ގ. މިތުރުގޭގެ ގޮދަޑިއެއްގައި ރޯވެގެން އުޅޭ ކަމުގެ ރިޕޯޓް ލިބުނީ މިއަދުގެ 8:45 ގައެވެ. މި އަލިފާންގަނޑު މިހާރު ނިއްވާލާފައިވާއިރު މި ހާދިސާގައި އެއްވެސް މީހަކަށް އަނިޔާ ވެފައި ނުވާކަމަށް ވެސް ބުނެފައިވެއެވެ.
