ރިސޯޓެއްގެ ގޮތުގައި ތަރައްގީ ކުރަމުންދާ ރ. ފުށްގިރީގައި ޓަވަރަކުން ވެއްޓުނު ބިދޭސީއަކަށް ފަރުވާ ދޭން ފަށައިފިއެވެ.
ފުލުހުން ބުނީ އެ ހާދިސާ ހިނގީ މިއަދު ހަވީރު ހަތަރެއް ޖަހަން އުޅެނިކޮށް ކަމަށާއި ވެއްޓުނީ ބަނގުލަދޭޝްއަށް ނިސްބަތްވާ 25އަހަރުގެ ފިރިހެނެއް ކަމަށެވެ.
އަދި މިހާރު ރ. އުނގޫފާރުގައި ހުންނަ ރީޖަނަލް ހޮސްޕިޓަލުގައި އޭނާއަށް ފަރުވާ ދެމުންދާ ކަމަށް ވެސް ފުލުހުން ބުންޏެވެ.
އޭނާގެ ހާލު ސީރިއަސް ނޫން ކަމަށް ވެސް ފުލުހުން ބުންޏެވެ.
އެ ހާދިސާގައި ބިދޭސީ މީހާއަށް ލިބުނު ގެއްލުން ސާފެއް ނުވެއެވެ.
ފުލުހުން ބުނީ އެ މައްސަލަ އިތުރަށް ތަހުގީގުކުރަމުންދާ ކަމަށެވެ.
