ނ. ހޮޅުދޫގެ ފެނުގެ ނިޒާމް ގާއިމުކުރުމުގެ މަޝްރޫއުގެ މަސައްކަތް ނިމިއްޖެއެވެ.
ހައުސިން މިނިސްޓްރީން ބުނީ އެ މަޝްރޫއުގެ އަމަލީ މަސައްކަތް ނިމުމާއެކު ޓެސްޓްކޮށް މިހާރު ކޮމިޝަންވެސްކޮށްފައިވާ ކަމަށެވެ.
އެ މަޝްރޫޢުގެ ދަށުން 6.6 ކިލޯ މީޓަރުގެ ފެނުގެ ވިއުގައަކާއި 60 ޓަނުގެ 2 އާރްއޯ ޕްލާންޓް، 25 ޓަނުގެ ވާރޭ ފެން ޕްލާންޓް، 350 ޓަނުގެ ބޯފެން ރައްކާކުރާ 2 ޓޭންކް އަދި 200 ޓަނުގެ ވާރޭ ފެން ރައްކާކުރާ ޓޭންކެއް ގާއިމުކޮށްފައިވެއެވެ.
ހައުސިން މިނިސްޓްރީން ބުނީ ދެން ކުރިއަށް ގެންދާނީ ފެނުގެ ނިޒާމް އޮޕަރޭޓްކުރުމުގެ ގޮތުން އޮޕަރޭޓަރާއި ހަވާލުކުރުމަށްޓަކައި ކުރެވޭ މަސައްކަތްތައް ކަމަށެވެ.
ހޮޅުދޫއަކީ 1500އެއްހާ މީހުންގެ އާބާދީ ހިމެނޭ ރަށެކެވެ. ފެނުގެ ނިޒާމްއާއި ނަރުދަމާއި ތަރައްގީގެ އެކި މަޝްރޫއުތައް ސަރުކާރުން ރާއްޖޭގެ އެކި ކަންކޮޅުތަކުގައި މިހާރުވެސް ދަނީ ހިންގަމުންނެވެ.
