އިމިގްރޭޝަންގެ އޮފީސް ހިންގަން 14،000އެއްހާ އަކަފޫޓުގެ އިމާރާތެއް ހޯދަން އިއުލާންކޮށްފިއެވެ.
ފިނޭންސް މިނިސްޓްރީން ކުރި އިއުލާނެއްގައި ބުނީ އިމިގްރޭޝަންއަށް ހޯދަމުން ދަނީ 13,600 އާއި 14,000 އަކަފޫޓާ ދެމެދުގެ އޮފީސް ޖާގައެއް ކަމަށެވެ. އެއީ ފަސް އަހަރު ދުވަހަށް ކަމަށް ވެސް ބުންޏެވެ.
އެކަމަށް ބީލަން ހުށަހެޅުމުގެ ފުރުސަތު މާދަމާ ހެނދުނު 10 އަކަަށް ހަމަވާނެއެވެ.
މިނިސްޓްރީގެ އިއުލާންގައި ބުނެފައިވާ ގޮތުން ޕްރޮޖެކްޓުތަކުގެ ބިޑްސެކިޔުރިޓީގެ ގޮތުގައި 205،500 ރުފިޔާ ހުށަހަޅަން ޖެހޭނެއެވެ. ބިޑް ސެކިޔުރިޓީގެ މުއްދަތަކީ ބިޑު ހުޅުވާ ތާރީހުން ފެށިގެން 148 ދުވަހެވެ.
އިމިގްރޭޝަންގެ އެކި ޑިޕާޓްމަންޓްތައް މިހާރު ހިންގަމުންދަނީ މާލޭގެ އެކި ސަރަަހައްދުތަކުގައެވެ.
