ރާއްޖެއިން ބޭރުގައި ތިބޭއިރު ވަޓްސްއަޕްއިން ނެޝެނަލް ސޯޝަލް ޕްރޮޓެކްޝަން އޭޖެންސީ (އެންސްޕާ)އަށް މެސެޖުކުރެވޭ ގޮތަށް ނަންބަރެއް ހާއްސަކޮށްފިއެވެ.
އެންސްޕާއިން މިއަދު އެކްސްގައި ބުނީ ރާއްޖެއިން ބޭރުގައި ތިއްބަވާ ފަރާތްތައް މައުލޫމާތު ސާފުކުރަން ބޭނުންނަމަ ވަޓްސްއަޕްއިން 7291402އަށް މެސެޖުކޮށްގެން މައުލޫމާތު ސާފުކުރެވޭނެ ކަމަށެވެ.
އެގޮތުން މެސެޖުކުރަން ޖެހޭނީ ރަސްމީ ބަންދު ދުވަސްތައް ފިޔަވައި ކޮންމެ ދުވަހަކު (ހޮނިހިރު ފެށިގެން ބުރާސްފަތި)އަށް ހެނދުނު އަށަކުން ފެށިގެން ރޭގަނޑު 10އަށް ކަމަށް ވެސް އެންސްޕާއިން ބުންޏެވެ.
އެންސްޕާގެ ރަސްމީ ހޮޓްލައިން “1402”އަށް ގުޅައިގެން ވެސް ގިނަގުނަ ހިދުމަތްތަކެއް މިހާރު ހޯދެއެވެ. އޭގެ މީގެ ތެރޭގައި، މެޑިކަލް ވެލްފެއަރގެ ދަށުން ދޫކުރާ ބޭސްފަރުވާގެ އެހީތެރިކަމާއި، ޚާއްޞަ އެހީއަށް ބޭނުންވާ ފަރާތްތަކަށް ސަރުކާރުން ދޭ މާލީ އިނާޔަތްތަކުގެ ތަފްޞީލުތައް ހިމެނެއެވެ. ހަމައެއާ އެކު، އެކިކަހަލަ އެހީތަކަށް އެދި ހުށަހަޅާ ފޯމުތައް ފުރުމުގައި ދަތިތައް ކުރިމަތިވާ ފަރާތްތަކަށް ވެސް މި ކޯލް ސެންޓަރު މެދުވެރިކޮށް އަމަލީގޮތުން އެހީތެރިކަން ފޯރުކޮށްދެވޭނެއެވެ.
މީގެ އިތުރުން، ޒަމާނީ ޓެކްނޮލޮޖީގެ އެހީގައި ޚިދުމަތްތައް އަވަސްކުރުމަށްޓަކައި، އެންސްޕާގެ މުހިންމު ގިނަ ޚިދުމަތްތަކަކަށް ސަރުކާރުގެ “ވަން ގަވް”ޕޯޓަލް މެދުވެރިކޮށް ވެސް މިހާރު އެދެވޭނެއެވެ. އޭގެ ތެރޭގައި ފަޤީރުންނަށް ދޫކުރާ ކާބޯތަކެތީގެ އެހީއާއި، އެކަނިވެރި މައިންނާއި ބަފައިންނަށް ދޭ އެލަވަންސް، އަދި ތެލެސީމިއާ ކުދިންނާއި ނުކުޅެދުންތެރިކަން ހުންނަ ފަރާތްތަކަށް ފޯރުކޮށްދޭ ތެރަޕިއުޓިކް ފަރުވާގެ އެހީ ފަދަ ޕްރޮގްރާމްތަކުގައި ބައިވެރިވުމަށް އޮންލައިންކޮށް ފޯމު ހުށަހެޅުމުގެ މަގު ވަނީ ފަހިކޮށްދީފައެވެ.
