މި އަހަރުގެ ފުރަތަމަ ދެ މަސްދުވަސް ނިމުނުއިރު، ދައުލަތަށް ލިބުނު ޖުމްލަ އާމްދަނީ އާއި ހިލޭ އެހީގެ މިންވަރު 7.7 ބިލިއަން ރުފިޔާއަށް އަރައިފިކަމަށް ފިނޭންސް މިނިސްޓްރީގެ ތަފާސްހިސާބު ތަކުން ދައްކައިފިއެވެ.
ފިނޭންސް މިނިސްޓްރީން އާންމުކޮށްފައިވާ ހަފުތާގެ މާލީ ރިޕޯޓުގައިވާ ގޮތުން، ގޮތުން، ޖެނުއަރީ 1 އިން ފެބްރުއަރީ 26 ގެ ނިޔަލަށް ދައުލަތަށް ލިބުނު ޖުމްލަ އާމްދަނީ އަކީ 7.7 ބިލިއަން ރުފިޔާއެވެ. މިއީ މިއަހަރަށް ލަފާކޮށްފައިވާ 40.3 ބިލިއަން ރުފިޔާގެ އާމްދަނީގެ ބޮޑު ބައެކެވެ.
އާމްދަނީގެ މުހިންމު ތަފްސީލްތައް
ޓެކްސް އާމްދަނީ – ދައުލަތަށް ލިބުނު އާމްދަނީގެ ބޮޑު އިންސައްތައެއް ހިއްސާކުރަނީ ޓެކްސްގެ ގޮތުގައި ލިބުނު ފައިސާއެވެ. މީގެ ތެރޭގައި ޖީ.އެސް.ޓީ، ބިޒްނަސް ޕްރޮފިޓް ޓެކްސް އަދި އިމްޕޯޓް ޑިއުޓީ ހިމެނެއެވެ.
ޓޫރިޒަމް ޖީ.އެސްޓީ – މިދިޔަ ހަފުތާގެ ތެރޭގައި އާމްދަނީއަށް އައި އެންމެ ބޮޑު ކުރިއެރުމަކީ ޓޫރިޒަމް ދާއިރާއިން ލިބުނު ޖީއެސްޓީއެވެ. މިއީ ފަތުރުވެރިކަމުގެ ސީޒަނާ ދިމާކޮށް ލިބުނު ބޮޑު އާމްދަނީއެއްކަން ފާހަގަކުރެވެއެވެ.
ޓެކްސް ނޫން އާމްދަނީ – މީގެ ތެރޭގައި ރިސޯޓުތަކުގެ ކުލީގެ ގޮތުގައި ލިބޭ ފައިސާ އާއި އެކި ކަހަލަ ފީތަކާއި ޖޫރިމަނާ ހިމެނެއެވެ.
ފިނޭންސުގެ މި ރިޕޯޓުގައިވާ ގޮތުން، މި މުއްދަތުގެ ތެރޭގައި ދައުލަތުން ކުރި ޖުމްލަ ޚަރަދަކީ 5.9 ބިލިއަން ރުފިޔާއެވެ. މިއީ މިއަހަރަށް ފާސްކޮށްފައިވާ 49.2 ބިލިއަން ރުފިޔާގެ ބަޖެޓުގެ ތެރެއިން ކުރެވުނު ހަރަދުތަކެވެ.
އެންމެ ބޮޑު ބަޖެޓެއް ބޭނުންކުރި އިދާރާތައް:
މިނިސްޓްރީ އޮފް އެޑިއުކޭޝަން 647.3 މިލިއަން ރުފިޔާ
އެންއެސް.ޕީ.އޭ 564.7 މިލިއަން ރުފިޔާ
މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ 290.8 މިލިއަން ރުފިޔާ
