ގަތަރު އެއާވޭސްއިން ރާއްޖެއަށް ކުރާ ދަތުރުތައް ވަރަށް ބޮޑަށް އިތުރުކުރަން ނިންމައިފިއެވެ.
ގަތަރު އެއާވޭސްއިން ބުނީ މި އަހަރުގެ ފިނި މޫސުމުގެ ސީޒަންއާ ދިމާކޮށް ދުނިޔޭގެ އެކި ހިސާބުތަކަށް ކުރާ ދަތުރުތައް އިތުރުކުރަން އެ އެއާލައިންއިން ނިންމާފައިވާ ކަމަށެވެ.
އެގޮތުން ރާއްޖެއަށް ވެސް ހަފްތާއަކު ކުރާ ދަތުރުތައް 21އަށް އިތުރުކުރަން ނިންމާފައިވާ ކަމަށް އެ އެއާލައިން ބުންޏެވެ.
މިހާރު ގަތަރު އެއާވޭސްއިން ރާއްޖެއަށް ހަފްތާއަކު ކުރަނީ 12ދަތުރެވެ.
ރާއްޖެއަށް ގިނަ އަދަދެއްގެ ފަތުރުވެރިން ޒިޔާރަތްކުރާ އިރު ގިނަ އަދަދެއްގެ ފަތުރުވެރިން ގަތަރު އެއާވެސް މެދުވެރިކޮށް ރާއްޖެއަށް ދަތުރުކުރެއެވެ.
އޭގެ ތެރޭގައި ވެސް މެދު އިރުމަތިންނާއި އަދި ޔޫރަޕްއިން ވެސް ގިނަ އަދަދެއްގެ ފަތުރުވެރިން ގަތަރު އެއާވޭސްއިން ރާއްޖެއަށް އާދެއެވެ.
ގަތަރު އެއާވޭސްއިން ކުރާ ދަތުރުތައް އިތުރުކުރާ އިރު ރާއްޖެއަށް އެހެނިހެން އެއާލައިންތަކުން ކުރާ ދަތުރުތައް ވެސް އިތުރުކުރަން ސަރުކާރުން ދަނީ މަސައްކަތް ކުރަމުންނެވެ.
