ހުޅުމާލޭގައި ހިންގާ ސެލޫންތަކާއި ސްޕާތައް ބަލައިފާސްކޮށް، ގާނޫނާ ޚިލާފަށް މަސައްކަތްކުރަމުންދިޔަ ހަތް ބިދޭސީއަކު މިއަދު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
މޯލްޑިވްސް އިމިގްރޭޝަނުން މީސްމީޑިއާގެ މަންސަ ‘އެކްސް’ ގައި އާންމުކޮށްފައިވާ މައުލޫމާތުގައި ބުނީ، ރާއްޖޭގައި ގަވާއިދާ ޚިލާފަށް އުޅޭ ބިދޭސީން ހޯދުމަށް މޯލްޑިވްސް އިމިގްރޭޝަނުން ކުރިއަށްގެންދާ ޚާއްސަ އޮޕަރޭޝަންގެ ދަށުން، އެކަމަށް އެކުލަވާލާފައިވާ ޓާސްކް ފޯސް މެދުވެރިކޮށް ހުޅުމާލޭގެ އަށް ތަނެއް އިންސްޕެކްޓްކޮށްފައިވާ ކަމަށެވެ. މި ހަރަކާތުގެ ތެރެއިން ޖުމްލަ 26 މީހެއްގެ މައުލޫމާތު ސާފުކޮށް ޗެކްކޮށްފައިވާއިރު، އޭގެ ތެރެއިން ވޯކް ޕާމިޓް ނެތި ނުވަތަ ވިސާގެ ގަވާއިދުތަކާ ޚިލާފަށް އާމްދަނީ ހޯދަމުންދިޔަ ހަތް މީހަކު ވަނީ ވަގުތުން ހައްޔަރުކޮށްފައެވެ.
A Task Force inspection targeting salon/spa businesses in Hulhumale' was conducted yesterday.
During the operation, 8 places were inspected and 26 expatriates were checked. A total of 7 expatriates found working illegally were detained.@PoliceMv @HomeMinistrymv pic.twitter.com/DbyODaTUYZ
— Maldives Immigration (@ImmigrationMV) September 8, 2026
މީގެ އިތުރުން، ފާއިތުވި ތިން ދުވަހުގެ ތެރޭގައި ވެސް މާލެ ސަރަހައްދުގައި ފުޅާ ދާއިރާއެއްގައި އިންސްޕެކްޝަންތަކެއް ވަނީ ހިންގާފައެވެ. އެގޮތުން 426 ބިދޭސީއެއްގެ ލިޔެކިޔުންތައް ބަލައިފާސްކުރުމަށް ފަހު، ގަވާއިދާ ޚިލާފަށް އުޅެމުންދިޔަ 13 މީހަކު ވެސް ވަނީ އިމިގްރޭޝަންގެ ބެލުމުގެ ދަށަށް ގެނެސްފައެވެ.
ދިވެހިރާއްޖޭގައި ހުއްދަ ނެތި ދިރިއުޅެމުންދާ ބިދޭސީންގެ މައްސަލައަކީ ޒަމާނުއްސުރެ ބޮޑުވެފައިވާ މައްސަލައަކަށް ވާއިރު، މިކަމަށް ދާއިމީ ހައްލެއް ގެނައުމަށްޓަކައި ސަރުކާރުން މިހާރު ދަނީ މުޅި ރާއްޖެއަށް އަމާޒުކޮށްގެން ހަރުކަށި ފިޔަވަޅުތަކަކާ އެކު ޚާއްސަ އޮޕަރޭޝަންތަކެއް ސިލްސިލާ ގޮތެއްގައި ހިންގަމުންނެވެ.
