އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށް ފަހު މިއަދު ރާއްޖެއިން ފުރާވަޑައިގެންފި އެވެ.
ރާއްޖޭގެ މިނިވަންކަމަށް 60 އަހަރު ފުރުން ފާހަގަކުރުމުގައި ބައިވެރިވެވަޑައިގަތުމަށް އެދި ސަރުކާރުގެ ދައުވަތަކަށް މޯދީ ރާއްޖެ ވަޑައިގެންނެވީ އިއްޔެ އެވެ.
އަދި މިއަދު މޯދީ ވަނީ މިއަދު ހަވީރު ރާއްޖެއިން ފުރާވަޑައިގެންފަ އެވެ.
މޯދީ ފުރާވަޑައިގަތް ފަހުން ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވަނީ ރާއްޖެއަށް މޯދޫ ދަތުރުފުޅެއް ކުރެއްވީތީ ހިތުގެ އެންމެ ފުންމިނުން ޝުކުރުއަދާ ކުރައްވައިފަ އެވެ.
I extend heartfelt thanks to Prime Minister His Excellency Shri @narendramodi for his state visit to the Maldives.
We held fruitful discussions, witnessed the exchange of 4 MoUs & 3 agreements in vital areas, and announced the launch of FTA negotiations.
Together, we celebrated…
— Dr Mohamed Muizzu (@MMuizzu) July 26, 2025
އެ ދަތުރުފުޅުގައި ނަތީޖާ ނެރެވޭފަދަ މަޝްވަރާތަަކެއްކޮށް މުހިންމު އެކި ދާއިރާތަކުން ހަތަރު އެމްއޯޔޫއާއި ތިން އެއްބަސްވުމުގައި ސޮއި ކުރެވި އަދި އިންޑިއާއާއި ރާއްޖެއާ ދެމެދު މިނިވަން ވިޔަފާރީގެ އެއްބަސްވުމެއްގައި ސޮއިކުރެވިގެން ދިޔަކަން ރައީސް ފާހަގަކުރެއްވި އެވެ.
އޭގެ އިތުރުން މޯދީއާއެކު ރާއްޖޭގެ 60 ވަނަ މިނިވަން ދުވަސް ފާހަގަކޮށް އިންޑިއާގެ އެހީގައި މުހިންމު މަޝްރޫއުތަކެއް ފެށިގެން ދިޔަކަން ވެސް ރައީސް ފާހަގަކުރެއްވި އެވެ.
މޯދީގެ ދަތުރުފުޅަކީ ރާއްޖެއާއި އިންޑިއާގެ ގުޅުން މުސްތަގުބަލުގައި އޮންނާނެ ގޮތުގެެ ފުރިހަމަ ފާލެއް އެޅިގެން ދިޔަ ދަތުރުފުޅެއް ކަމަށް ވެސް ރައީސް ވިދާޅުވި އެވެ.
