މޯލްޑިވްސް މެރިން ރިސާޗު އިންސްޓިއުޓް(އެމްއެމްއާރުއައި)ގެ ޑިރެކްޓާ ޖެނެރަލްގެ މަގާމަށް މުހައްމަދު ޝިމާލު އައްޔަނުކޮށްފި އެވެ.
އެމްއެމްއާރުއައިގެ ޑިރެކްޓާ ޖެނެރަލްގެ މަގާމު ހުސްވީ ކުރިން އެ މަގާމުގައި ހުންނެވި ޝާފިޔާ ނައީމު މިދިޔަ ޖެނުއަރީ މަހު އިސްތިއުފާ ދެއްވުމާ ގުޅިގެން ނެވެ.
އެމްއެމްއާރުއައިއިން މިއަދު އެކްސްގައި ބުނީ ޑީޖީގެ މަގާމަށް މިހާރު ޝިމާލު އައްޔަނުކޮށްފައިވާ ކަމަށާއި އެ ރިސާޗު ސެންޓަރުގައި ޝިމާލު 10 އަހަރު މަސައްކަތް ކުރައްވާފައިވާ ކަމަށެވެ.
އަދި އެމްއެމްއާރުއައިގައި ރިސާޗު ޕްރޮގްރާމްތައް ތައްޔާރުކުރުމުގައި ޝިމާލުގެ ދައުރު މުހިންމުކަން ވެސް އެ އިންސްޓިޓިއުޓްއިން ފާހަގަކުރި އެވެ.
A warm welcome to Mohamed Shimal, our new Director General! With a decade of experience, strategic insight and commitment, Shimal has played a pivotal role in developing research programs at MMRI. We are thrilled for this new leadership and look forward to the journey ahead! pic.twitter.com/RAdqsqIA7A
— Maldives Marine Research Institute (@MMRI_Maldives) April 6, 2025
އެހެންކަމުން ޝިމާލުގެ ލީޑާޝިޕްކަމުގައި މަސައްކަތް ކުރުމުގެ ފުރުސަތު ލިބުމަކީ އުފަލެއް ކަަމަށް ވެސް އެމްއެމްއާރުއައިއިން ބުންޏެވެ.
ޝިމާލު ވަނީ އެންވަޔަރަމަންޓަލް ސައިންސްއިން ބެޗެލާޒް ޑިގްރީ ހާސިލުކުރައްވައި މެރިން ބައިލޮޖީއިން މާސްްޓާސް ޑިގްރީ ހާސިލުކުރައްވައިފަ އެވެ.
