މޯލްޑިވްސް ހައްޖު ކޯޕަރޭޝަންގެ ހަވާލުގައި ރާއްޖެއިން މި އަހަރު ހައްޖަށް ދެވޭނެ ކަމަށް ކިއުގައި ހިމަނާފައި ތިބި އެންމެންނަށް ހައްޖަށް ދެވޭނެ ގޮތް ރައީސް ޑރ. މުހައްމަދު މުއިއްޒު ހަމަޖައްސަވައިފި އެވެ.
މިރޭ “އެކްސް” ގައި ކުރެއްވި ޕޯސްޓެއްގައި ރައީސް ވިދާޅުވީ މި އަހަރު ހައްޖަށް ދެވޭނެ ކަމަށް ކޯޕަރޭޝަންގެ ކިއުގައި ތިބި އެންމެހައި ފަރާތްތަކަށް މިއަހަރު ހައްޖަށް ދެވޭނެ ކަމަށެވެ.
“މިއީ ޒަމާންތަކަކަށް ފަހު، އެއަހަރެއްގައި ކިއުގައި ޖެހިފައި ތިބި އެންމެންނަށް އެ އަހަރު ހައްޖަށް ދެވޭ ފުރަތަމަ ފަހަރުކަން ފާހަގަކުރަން،” ރައީސް މުއިއްޒު ވިދާޅުވި އެވެ.
އެކަމަކު ކިއުގައި ތިބީ މީހުންގެ އަދަދެއް އެނގިފައެއް ނުވެ އެވެ.
އެކަމާ ގުޅޭ އިތުރު މައުލޫމާތެއް އަދި މިހާތަނަށް އިިސްލާމިކް މިނިސްޓްރީން ހާމަކޮށްފައެއް ނުވެ އެވެ.
