މިރޭ ހދ. ހަނިމާދޫގައި ހަވާ އަރުވާނެކަމަށް ދިވެހިރާއްޖޭގެ ދިފާއީ ބާރުން ބުނެފިއެވެ.
ދިފާއީ ބާރުން އެކްސްގައި ހިއްސާކޮށްފައިވާ ޕޯސްޓެއްގައި ބުނެފައި ވަނީ މިރޭ 20:30ގައި ހަނިމާދޫގައި ގާތްގަނޑަކަށް 3 މިނެޓަށް ވަހާ އެރުވުމަށް ހަމަޖެހިފައިވާ ކަމަށެވެ.
ހދ. ހަނިމާދޫ އިންޓަރނޭޝަނަލް އެއަރޕޯޓް ޒަމާނީ ފެންވަރަކަށް ތަރައްޤީ ކުރުމަށްފަހު މިރޭ ކުލަގަދަ ރަސްމިއްޔާތަކާއެކު ހުޅުވުމަށް ހަމަޖެހިފައިވާ ކަމަށާއި އެ ރަސްމިއްޔާތަށް އިންޑިޔާގެ މަންދޫބެއް ވެސް ރާއްޖެ ވަޑައިގެންފައިވާ ކަމަށް ސަރުކާރުން ވަނީ ވިދާޅުވެފައެވެ.
