މާލޭ ހިޔާ ފްލެޓެއްގެ މަތިން މީހަކު ވެއްޓި އަނިޔާވެއްޖެއެވެ.
ފުލުހުން މިއަދު ބުނީ އުމުރުން 60 އަހަރުގެ އެމީހާ ވެއްޓިފައި ވަނީ މާލޭ ހިޔާ 1ގެ ފަސްވަނަ ފަންގިފިލާއިން ކަމަށެވެ. އޭނާ ވެއްޓިފައި ވަނީ މިއަދު ހެނދުނު 6:50 ހާއިރުއެވެ.
ފުލުހުން ބުނީ އެމީހާއަށް އައިޖީއެމްއެޗްގައި ފަރުވާ ދެމުންދާ ކަމަށެވެ. މީހާއަށް ލިބުނީ ކޮންކަހަލަ އަނިޔާއެއް ކަމެއް ސާފެއް ނުވެއެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
