ވެލާނާ އިންޓަނޭޝަނަލް އެއާޕޯޓްގެ ޓާމިނަލްގެ މަސައްކަތުގައި އުޅޭ ބިދޭސީންތަކެއްގެ މެދުގައި ބޮޑު މާރާމާރީއެއް މިއަދު ހިނގައިފި އެވެ.

ފުލުހުން ބުނި ގޮތުގައި މާރާމާރީގައި އަނިޔާވި އެއް ބަޔަކަށް ފަރުވާ ދެމުން ދަނީ ހުޅުމާލެ ހޮސްޕިޓަލުންނެވެ. އަނެއް ބަޔަކަށް ޓްރީޓޮޕް ހޮސްޕިޓަލުންނެވެ.

އިތުރު ތަފުސީލެއް ފުލުހުން ނުދެ އެވެ.

ހުޅުމާލެ ހޮސްޕިޓަލުން ބުނީ އެ ހޮސްޕިޓަލުގައި 10 މީހަކަށް ދަނީ ފަރުވާދެމުން ކަމަށެވެ. ޓްރީޓޮޕްގައި ފަރުވާ ދެމުން ދަނީ ކިތައް މީހުނަށް ކަމެއް ނޭނގެ އެވެ.

މާރާމާރީ ހިނގީ ޗައިނާ މަސައްކަތްތެރިންނާއި އަރަބި މަސައްކަތްތެރިންނާ ދެމެދު ކަމަށް މައުލޫމާތު ލިބެ އެވެ.

ޓާމިނަލްގެ މަސައްކަތް ކުރަމުން ދަނީ ސައުދީ ބިންލާދިން ގްރޫޕާއި، ސަބް ކޮންޓްރެކްޓަރެއްގެ ގޮތުގައި މަސައްކަތް ކުރާ ޗައިނާ ކޮމިއުނިކޭޝަން ކޮންޓްރަކްޝަން ކޮމްޕެނީ (ސީސީސީސީ) އިންނެވެ.

މި މާރާމާރީ ހިނގަން މެދުވެރިވި ސަބަބެއް ވެސް އަދި ސާފެއް ނުވެ އެވެ.

 

Leave a Reply

Your email address will not be published. Required fields are marked *