ރ. އަތޮޅުގެ ފަޅުރަށެއް ކަމަށްވާ އުނގުލު އެ އަތޮޅުގެ ވެރިރަށް އުނގޫފާރުގެ ބައެއްގެ ގޮތުގައި ހަމަޖައްސައި ހއ. ފަޅުރަށެއް ކަމަށްވާ ކަނޑާލިފިނޮޅު އެ އަތޮޅުގެ ވަށަފަރުގެ އިހުތިސޯސްގެ ތެރޭ ހިމަނައިފިއެވެ.
އެ ދެ ފަޅުރަށް ދެ ރަށެއްގެ އިހުތިސޯސްގެ ތެރޭގައި ހިމެނެނީ ލާމަރުކަޒީ ގާނޫނުގެ ދަށުން ރައީސް ޑރ. މުހައްމަދު މުއިއްޒުއަށް ލިބިދޭ ބާރުގެ ދަށުންނެވެ.
އެ ގަރާރު އެކަށައެޅުމާއެކު، ރާއްޖޭގައި މީހުން ދިރިއުޅޭ ރަށްތައް ކަނޑައެޅުމަށް އެކަށައަޅައިފައިވާ ރައީސުލްޖުމްހޫރިއްޔާގެ ގަރާރު ނަންބަރު 2/2025ގެ ޖަދުވަލުގައި ހިމަނައިފައިވާ ރާއްޖޭގައި މީހުން ދިރިއުޅޭ ރަށްތަކުގެ ލިސްޓު ވަނީ އަދާހަމަކޮށް ސަރުކާރުގެ ގެޒެޓުގައި ޝާއިއުކޮށްފައެވެ.
