ދިވެހި ޓޫރިޒަމްގެ އެއް ބާނީ ކަމަށްވާ މުހައްމަދު އުމަރު މަނިކް (އެމްޔޫ މަނިކު) އަވަހާރަަވެއްޖެ އެވެ.
“ދެން”އަށް އެނގިފައިވާ ގޮތުން އެމްޔޫ މަނިކު އަވަހާރަވީ އާލާސްކަންފުޅު ބޮޑުވެ ސިންގަޕޫރު އައިސީޔޫގައި ފަރުވާދެމުން ދަނިކޮށް މިއަދު އެވެ.
އެމްޔޫ މަނިކަށް ފަރުވާ ދެމުން ދިޔައީ ކޮން ބައްޔެއްގައި ކަމެއް ސާފެއް ނުވެއެވެ.
އުމުރުން 90 ގެ އަހަރުތައް ގުނުއްވަމުން ގެންދަވާ އެމްޔޫ މަނިކްއަކީ ރާއްޖޭގެ އަށް އެންމެ ބޮޑަށް ހިދުމަތް ކުރެއްވި އެއް ބޭފުޅާ އެވެ. އެމަނިކުފާނު ކުރެއްވި މަސައްކަތް ގުނާ އަގު ނުކުރެވޭނެ އެވެ.
އެ މަނިކުފާނު ހާއްސަ ވެގެން ދަނީ ޓޫރިޒަމް ސިނާއަތުގެ ދާއިރާއިންނެވެ. އެ މަނިކުފާނުގެ ގިނަ ހިދުމަތްތަކެއް އެންމެ ބޮޑަށް ފެނިގެން ގޮސްފައިވަނީ މައި ވައިގެ ބަނދަރުގަ އެވެ.
މީގެ އިތުރުން ސަރުކާރުގެ އެކި ވަޒީފާތަކުގެ އިތުރުން ވިޔަފާރިވެރިންގެ ގައުމީ ޖަމިއްޔާ އުފެއްދެވުމުގައިވެސް އިސް ދައުރެއް އަދާކުރެއްވި އެވެ.
ދިވެހި ދައުލަތުގެ އެންމެ މަތީ ޝަރަފު އަރުއްވާފައިވާ އެމްޔޫ މަނިކްއަކީ 1972 ވަނަ އަހަރު ރާއްޖެއަށް ޓޫރިޒަމް ތަރައްގީ ކުރުމަށް އެންމެ ބޮޑު މަސައްކަތެއް ކުރެއްވި އެއް ބޭފުޅާ އެވެ.
މިގޮތުން ރާއްޖޭގެ ފުރިހަމަ ރިސޯޓް ކަމަށްވާ ކުރުނބާ ހުޅުއްވީ އެ މަނިކުފާނެވެ.
މީގެ އިތުރުން ދިވެހި އެންމެ ބޮޑު ޓޫރިޒަމް ކުންފުނި ކަމަށްވާ ޔުނިވާސަލްގެ ދަށުން ދުނިޔޭގެ ނަން މަޝްހޫރު ޓޫރިޒަމް ގިނަ ބްރޭންޑްތަކެއް ރާއްޖެ ގެނެސްދެއްވި އެވެ.
