ސްކޭމްގެ މައްސަލައިގައި ހޯދަމުންދިޔަ ހިރިލަންދޫ އަންހެންމީހާ ހައްޔަރުކޮށް ބަންދުކޮށްފި އެވެ.
ތ. ހިރިލަންދޫ، ނާގަލި އައިޝަތު ނާޒިރާ (41އ)އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުނުކުރެވި އޭނާ ހޯދަން ފުލުހުން އިއުލާންކުރީ އިއްޔެއެވެ.
ކްރިމިނަލް ކޯޓުން މިއަދު ނެރުނު ބަންދު އަމުރުގައިވާ ގޮތުން އޭނާ ހައްޔަރުކޮށް 15ދުވަހަށް ބަންދުކުރަން ކޯޓުން ވަނީ އަމުރުނެރެފައެވެ.
ބަންދު އަމުރުގައިި ބުނެފައިވާ ގޮތުން ނާޒިރާ ކުށްކުރިކަމަށް ބެލެވޭ ވަރަށް ފުލުހުން ހެކި ހުށަހަޅާފައި ވެއެވެ. އެގޮތުން ފުލުހުން ބޭންކަށް ފޮނުވި ލިޔުމާއި އެއަށް ދިން ޖަވާބާއި އަދި ފޮޓޯ ރިޕޯޓް ހުށަހަޅާފައި ވެއެވެ.
ސްކޭމްގެ މައްސަލަތަކުގައި ގިނައިން ހައްޔަރުކުރަނީ ފިރިހެނުން ނެވެ. އަދި ވަރަށް މަދުން ނޫނީ އެފަދަ މައްސަލަތަކުގައި އަންހެނުން ޝާމިލެއް ނުވެއެވެ.
