މި ރޯދަ މަހުގެ ފަހު 10ގެ ބައެއް ދުވަސްތަކުގައި ވެސް އައިޑީ ކާޑު ދޫކުރާނެ ކަމަށް ޑިޕާޓްމަންޓް އޮފް ނެޝެނަލް ރެޖިސްޓްރޭޝަން (ޑީއެންއާރު)އިން މިއަދު ބުނެފިއެވެ.
ރޯދަ މަހުގެ ފަހު 10އަކީ ސަރުކާރު ބަންދު ދުވަސްތަކެއްގެ ގޮތުގައި ސަރުކާރުން ހަމަޖައްސާފައިވާތީ ގިނަ އޮފީސްތަކެއް އެ ދުވަސްތަކުގައި ބަންދުވާނެއެވެ.
އެހެން ނަމަވެސް ޑީއެންއާރުއިން މިއަދު ކުރި އިއުލާނެއްގައި ބުނީ ފަހު 10ގައި ވެސް ހަތަރު ދުވަހެއްގައި އައިޑީ ކާޑު ދޫކުރާނެ ކަމަށެވެ.
އެގޮތުން މި މަހުގެ 11،15،17އަދި 19ވަނަ ދުވަހު ހެނދުނު ނުވަޔަކުން މެންދުރު އެކަކަށް އައިޑީކާޑު ދޫކުރާނެ ކަމަށް ޑީއެންއާރުއިން ބުންޏެވެ.
އެ ދުވަސްތަކުގައި އައިޑީ ކާޑު ދޫކުރާނީ
- ޑީއެންއާރު ހެޑް އޮފީސް، މާލެ
- އުމަރު ޒާހިރު ބިލްޑިން، ހުޅުމާލެ ފޭސް އެކެއް
- ވިނަރެސް ޓަވަރު ދޭއް، ހުޅުމާލެ ފޭސް ދޭއް
- ޑީއެންއާރު ވިލިމާލެ އޮފީސް
