މިސްކިތަކަށް ގެއްލުން ދިން މައްސަލައެއްގައި 2024ވަނަ އަހަރު ހައްޔަރުކުރި ގ. މާލެހިޔާ 2 13-02އުމުރުން 30އަހަރުގެ ނައުޝާދު މޫސާ ދުވާލު އާންމުތަނެއްގައި ކައިގެން ހައްޔަރުކޮށްފިއެވެ.
ކްރިިމިނަލް ކޯޓުން މިއަދު ނެރުނު ބަންދު އަމުުރުގައި ބުނެފައިވާ ގޮތުން އެ މައްސަލައިގައި އޭނާ 15ދުވަހަށް ބަންދުކުރަން ވަނީ އަމުރުކޮށްފައެވެ.
ނައުޝާދު ކުރިން ހައްޔަރުކުރީ ފުރުގާން މިސްކިތުގައި ހުރި ހަތިމުތައް އުކާލައި، އެ މިސްކިތައް ގެއްލުންދިން މައްސަލާއާ ގުޅިގެންނެވެ.
އޭނާ ވަނީ އެ މިސްކިތުގައި ހުރި ހަތިމުތައް މުޅި ތަނަށް އުކާލައި، އިމާމު ހުންނަ ދިމާލުގައި ހުރި ކަރަންޓު ބޯޑުތަކާއި އެއަށް ޖަހާފައި ހުރި އެޑެޕްޓަރުތައް ވެސް ހަލާކުކޮށްލާފައެވެ.
އެ މައްސަލައިގައި ހައްޔަރުކުރި ނަމަވެސް އޭނާއަށް އޭރު ހުކުމެއް އައިކަމެއް ސާފެއް ނުވެއެވެ.
