އެކި މައްސަލަތަކާ ގުޅިގެން އދ. މަހިބަދޫ ޕޮލިސް ސްޓޭޝަންގެ ބެލުމުގެ ދަށަށް ގެނެސްފައި ހުރި ގިނަ އަދަދެއްގެ ބަނގުރާ ނައްތާލައިފިއެވެ.
ފުލުހުންގެ ހިދުމަތުން މިއަދު ބުނީ އެ ތަކެތި ނައްތާލީ އިއްޔެ ކަމަށާއި އެގޮތުން 33ފުޅި ބަނގުރަލާއި 169ދަޅު ބަނގުރާ ނައްތާލިކަމަށް ބުންޏެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެދަށަށް ގެނެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާނެ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމެޓީގެ ބެލުމުގެ ދަށުންނެވެ.
އދ. އަތޮޅުގައި ޓޫރިޒަމް ވަރަށް ބޮޑަށް ފުޅާވެފައިވާ އިރު ބަނގުރާ ވަގަށް ރައްތަކަށް އެތެރެކުރުމުގެ މައްސަލަތައް ދޭތެރެ ދޭތެރެއިން ފެންމަތިވެއެވެ.
