
ނިމުނު ހަފްތާގައި ވަގަށް ނަގައިގެން ރިޕޯޓު ކުރި ތަކެތީގެ އަގު 838،434 ރުފިޔާއަށް އަރާކަމަށް ފުލުހުންގެ ތަފާސް ހިސާބުތަކުން ދައްކައިފިއެވެ.
ފުލުހުން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި 5އިން 11 ޖުލައި 2026ގެ ނިޔަލަށް، މާލޭ ޕޮލިހަށް ހުށަހެޅުނު ވައްކަމާއި ފޭރުމުގެ މައްސަލަތަކުގައި ގެއްލިގެން ރިޕޯޓްކޮށްފައިވާ ތަކެތީގެ އަންދާޒާ އަގު 838,434 ދިވެހި ރުފިޔާއަށް އަރައެވެ. އަދި މި މުއްދަތުގައި ގެއްލުނު ތަކެތީގެ ތެރެއިން 826,730 ދިވެހި ރުފިޔާގެ ތަކެތި ހޯދާފައިވާއިރު މިއީ ރިޕޯޓްކުރެވުނު ޖުމްލަ ގެއްލުމުގެ 98 އިންސައްތައަށް ވުރެ މަތީ އަދަދެކެވެ.
Between 5-11 July 2026, the estimated loss reported in theft and robbery cases across Malé Police was MVR 838,434. During the same period, our officers successfully recovered MVR 826,730, representing more than 98% of the reported estimated losses.
This reflects the dedication… pic.twitter.com/a2Kwrawnwv
— Maldives Police (@PoliceMv) July 19, 2026
ފުލުހުން ބުނި ގޮތުގައި މިއީ މައްސަލަ ތަހުގީގުކޮށް ވަގަށް ނަގާފައިވާ ތަކެތި ހޯދައި އޭގެ ހައްގުވެރިންނަށް ރައްދުކޮށްދިނުމަށް ޓަކައި ފުލުހުން ކުރަމުންދާ ބުރަ މަސައްކަތާއި ދައްކުވައިދޭ މިންނެތް ހިތްވަރެކެވެ. މިގޮތުން ހޯދޭ ކޮންމެ އެއްޗަކީ ފުލުހުންގެ މެދުގައި އޮންނަ ބަދަހި ގުޅުމާއި، ދޫނުދީ ކުރާ މަސައްކަތުގެ އިތުރުން، މުޖުތަމަޢަށް ޚިދުމަތްކުރުމަށް އޮތް ސާބިތުކަމުގެ ނަތީޖާ ކަމަށް ވެސް ބުނެފައިވެއެވެ.
މީގެ އިތުރުން ފުލުހުން ބުނީ މުޖުތަމަޢުގެ ސަލާމަތާއި ރައްކާތެރިކަން ކަށަވަރުކޮށް، ރައްޔިތުންގެ އިތުބާރު ދެމެހެއްޓުމަށް ޓަކައި ފޯރުކޮށްދޭންޖެހޭ ފުލުހުންގެ ޚިދުމަތްތައް ދިނުމުގައި އަބަދުވެސް ދެމިތިބޭނެ ކަމަށެވެ.
ފުލުހުންގެ ތަފާސްހިސާބުތައް ދައްކާގޮތުގައި މި އަހަރުގެ މިހާތަނަށް ވަައްކަމުގެ 1،912 މައްސަލަ ރިޕޯޓުކޮށްފައިވެއެވެ.





































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































