އައްޑޫ އިކުއަޓޯރިއަލް ހޮސްޕިޓަލް(އޭއީއެޗް)ގައި ގާއިމުކޮށްފައިވާ ކެތު ލެބުގެ ހިދުމަތް ނުފަށާތީ ހެލްތު މިނިސްޓަރު އަބްދުﷲ ނާޒިމްއާ ސުވާލުކުރަން މިއަދު ހުށަހަޅައިފި އެވެ.
އެ ސުވާލަށް ލިޔުމުން ޖަވާބު ދިނުމަށް އެދި ހުށަހެޅުއްވީ ހިތަދޫ މެދު ދާއިރާގެ މެމްބަރު އަހުމަދު އަޒާން މަރުޒޫގު އެވެ.
1 in 5 emergency evacuations from Addu Equatorial Hospital last year were due to cardiac emergencies. Yet the cardiac catheterization laboratory remains non-operational. I have submitted a question to the Health Minister @ANazim2019 asking for reasons behind the delay and when… pic.twitter.com/7qwdnvm0Ew
— Ahmed Azaan (@axanner) May 11, 2025
އަޒާން އެދިވަޑައިގެންފައިވަނީ ކެތު ލެބުގެ ހިދުމަތް ފެށުން ލަސްވާ ސަބަބާއި އެތަނުގެ ހިދުމަތް ފެށޭނެ ދުވަހެއް ސާފުކޮށްދިނުމަށެވެ.
އަޒާން އެކްސްގައި ވިދާޅުވި ގޮތުގައި އައްޑޫއިން މާލެ ގެންނަ ކޮންމެ ފަސް މީހަކުން އެކަކީ ކާޑިއެކް އެމެޖެންސީތަކާ ގުޅިގެން މާލެ ގެންނަ މީހުން ކަމަށެވެ.
އެހެން ނަމަވެސް އޭއީއެޗްގެ ކެތުގެ ލެބް އަދިވެސް ހިދުމަތް ނުފަށާ އޮތުމުން އަޒާން ކަންބޮޑުވުން ފާޅުކުރެއްވި އެވެ.
މާލެއަށް ފަހު ސިއްހީ ހިދުމަތް އެންމެ ރަނގަޅަށް ދެމުންގެންދާ އެއް ތަނަކީ އައްޑޫ ހޮސްޕިޓަލެވެ.
