އަންނަ ހުކުރު ދުވަހު އިދިކޮޅުން ބާއްވާ ބޮޑު މުޒާހަރާއަކީ ވަކި ޕާޓީއަކުން ކުރާކަމެއް ނޫން ކަމަށާއި އެ މުޒާހަރާއަށް ހުރިހާ ރައްޔިތުން ވެސް ނުކުންންނަން ޖެހޭކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އަންނަ ހުކުރުގައި ބޮޑު މުޒާހަރާ ބާއްވަން ދަނީ ބޮޑެތި ތައްޔާރުވަމުން ނެވެ. އަދި އެކަމުގައި އެމްޑީޕީން އިސްވެ އޮތްއިރު މުޒާހަރާ އިޝްތިހާރުކުރަން މާލޭގައި ދެމި ބެނާތައްވެސް ހުރީ ރީނދޫކުލައިގަ އެވެ.
October 3 ge muzaaharaa akee vaki party ehge kamehge gothugai dhekeykah nujehey. E ee corruption aai dhekolhu hurihaa enmen baiveri vun rangalhu muzaaharaa eh.
— Mohamed Nasheed (@MohamedNasheed) September 30, 2025
ނަމަވެސް ރައީސް ނަޝީދު މިއަދު އެކްސްގައި ވިދާޅުވީ އޮކްޓޫބަރު 3ގެ މުޒާހަރާއަކީ ވަކި ޕާޓީއެއްގެ ކަމެއްގެ ގޮތުގައި ދެކޭކަށް ނުޖެހޭ ކަމަށެވެ.
“އެއީ ކޮރަޕްޝަންއާ ދެކޮޅު ހުރިހާ އެންމެން ބައިވެރިވުން ރަނގަޅު މުޒާހަރާއެއް” ނަޝީދު ވިދާޅުވި އެވެ.
މުޒާހަރާ ބާއްވަން ބެނާތަކެއް ވެސް ދެމި ނަމަވެސް ފަހުން އެ ބޭނާތައް ވަނީ ނަގައިފަ އެވެ. އެކަމާ ގުޅިގެން ސަރުކާރަށް ބޮޑެތި ފާޑުކިއުންތަކެއްވެސް އަމާޒުވި އެވެ.
އެމްޑީޕީން ބޮޑު އެއްވުމެއް އަންނަ މަހު ބާއްވަނީ އެފަދަ އެއްވުމެއް ނުބާއްވާތާ ގިނަ ދުވަސްތަކެއް ވެފައި ވަނިކޮށެވެ.
އެ އެއްވުމަށް އަތޮޅުތަކުން ވެސް މީހުން މާލެ ގެންނަން އެމްޑީޕީން ދަނީ މަސައްކަތް ކުރަމުން ނެވެ.
